Բոլոր իրավունքները պաշտպանված են: © NTP - Տուբերկուլոզի դեմ պայքարի ազգային Կենտրոն

ՆՈՐՈՒԹՅՈՒՆՆԵՐ

16.06.2020 թվականին «Թոքաբանության ազգային կենտրոն» ՊՈԱԿ է դիմել Ս.Ա.-ն՝ տկարությամբ, հազով, հևոցով, կրծքավանդակի ձախ կեսի ցավերով, մարմնի բարձր ջերմաստիճանով: Պացիենտը հետազոտվել է կենտրոնում, հայտնաբերվել է ձախակողմյան ֆիբրոթորաքսի պատկեր։ Ա. Ս. Խանոյանի, Ս.Մ. Աբրահամյանի կողմից, ընհանուր անզգայացմամբ Դ. Հ. Հովհաննիսյան, կատարվեց վիրահատություն` թորակոտոմիա ձախից, թոքի դեկորտիկացիա, պլևրալ խոռոչի սանացիա և դրենավորում» Հետվիրահատական շրջանն ընթանում է հարթ, համարժեք վիրահատությանը։

Թոքաբանության ազգային կենտրոնի աշխատակիցները հրաժեշտ տվեցին Շալվա Գուրգենի Ղազարյանին, ով այսօր անցավ վաստակած հանգստի։ Տուբերկուլոզի դեմ պայքարի ոլորտում իրականացրած բեղուն և անձնվեր աշխատանքի և կազմակերպության զարգացման գործում ունեցած մեծ ներդրման համար արժանացավ շնորհակալական պատվոգրի և արծաթե հուշադրամի։ Մաղթում ենք նրան քաջառողջություն, խաղաղ և երկար կյանք։

Թոքաբանության ազգային կենտրոնի աշխատակիցները հրաժեշտ տվեցին Բելլա Ցոլակի Խաչատրյանին, ով այսօր անցավ վաստակած հանգստի։ Տուբերկուլոզի դեմ պայքարի ոլորտում իրականացրած բեղուն և անձնվեր աշխատանքի և կազմակերպության զարգացման գործում ունեցած մեծ ներդրման համար արժանացավ շնորհակալական պատվոգրի և արծաթե հուշադրամի։ Մաղթում ենք նրան քաջառողջություն, խաղաղ և երկար կյանք։

Հայտարարություն՝ ավագ բուժակ-լաբորանտի (մանրէաբանական) թափուր պաշտոնը զբաղեցնելու համար: 👩🏫 Աշխատանքի նկարագիրը. ✔️ Վերահսկել լաբորատոր հետազոտությունների պատասխանների ժամանակին և պատշաճ տրամադրումը բաժանմունքներին, սանիտարա-պրոֆիլակտիկ միջոցառումների իրականացումը, լաբորատոր տեխնիկայի շահագործման և ախտածին նյութի հետ աշխատելու անվտանգության կանոնների պահպանումը, ոչնչացման ենթակա ինֆեկցիոն նյութի մշակումը՝ գործող նորմատիվներին համապատասխան: ✔️ Իրականացնել կազմակերպչա-մեթոդական հսկողություն լաբորանտների նկատմամբ: Լաբորատորիայի աշխատակիցների համար մշակել տվյալ աշխատանքային պայմաններին համապատասխան պարտավորություններ, տարբեր լաբորատոր հետազոտութունների իրականացման գրաֆիկ և կանոնակարգ: Բաժինների բուժաշխատակիցներին ծանոթացնել հետազոտման ենթակա նյութի ճիշտ հավաքման, պահպանման ու տեղափոխման կանոններին ✔️ Ապահովել պաթոգեն բակտերիաների և ուժեղ ներգործող ու թունավոր նյութերի պահպանությունը ըստ ընդունված նորմերի, ✔️ Լաբորատոր հետազոտությունների հետ աշխատանք, 👩🏫 Պահանջվող հմտություններ՝ ✅ Միջնակարգ-մասնագիտական կրթություն ✅ Անհրաժեշտ է մանրէաբանական լաբորատորիայի լաբորանտի հմտությւոնների տիրապետում, ✅ Համակարգչով աշխատելու հմտություն (MS word, MS windows, Internet) ✅ Մանրէաբանություն և գենետիկայի հիմունքներ (միջանկյալ), ✅ Տուբերկուլոզի մանրէաբանական և գենետիկական հետազոտություն և ախտորոշում (միջանկյալ), ✅ Որակի կառավարման և կենսաանվտանգության չափորոշիչների տիրապետում (միջանկյալ), ✅ Առողջապահության ոլորտի գործունեության իմացություն (միջանկյալ), ✅ Ռուսերենի և անգլերենի իմացություն մասնագիտական գրականություն ընթերցելու նպատակով ✅ Հայերենի ազատ տիրապետում Բոլոր հետաքրքրվածները իրենց ինքնակենսագրականները (CV) կարող են ուղարկել մեր 📧 Facebook-ի էջին անձնական նամակով կամ 💬զանգահարել (0222)-2-04-48 հեռախոսահամարով:

27.05.2020 թվականին «Թոքաբանության ազգային կենտրոն» ՊՈԱԿ է դիմել Գ.Հ.-ն՝ տկարությամբ, հազով, հևոցով, կրծքավանդակի աջ կեսի ցավերով, մարմնի բարձր ջերմաստիճանով: Այլ կլինիկայում վիրահատվել է մեկ ամիս առաջ՝ աջ թոքի ստորին բլթի տուբերկուլոմայի կապակցությամբ կատարվել է ստորին լոբէկտոմիա։ Հետվիրահատական շրջանում զարգացել է բրոնխիալ խուղակի պատկեր։ Պացիենտը հետազոտվել է կենտրոնում, կատարվել է ֆիբրոբրոնխոսկոպիա, աջից ստորին բլթային բրոնխի ծայրատի շրջանում առկա խուղակ։ Ախտորոշվել է աջակողմյան հետվիրահատական պնևմոթորաքս, բրոնխիալ խուղակ։ Ա. Ս. Խանոյանի, Ս.Մ. Աբրահամյանի կողմից, ընհանուր անզգայացմամբ Դ. Հ. Հովհաննիսյան, կատարվեց վիրահատություն` թորակոտոմիա աջից, եզրափակիչ ստորին բիլոբէկտոմիա, միջանկյալ բրոնխի ապարատային կարում։ Հետվիրահատական շրջանն ընթանում է հարթ, համարժեք վիրահատությանը։

23.03.2020 թվականին «Թոքաբանության ազգային կենտրոն» ՊՈԱԿ է դիմել Ղ.Ս.-ն՝ տկարությամբ, հազով, հևոցով, կրծքավանդակի ձախ կեսի ցավերով, մարմնի բարձր ջերմաստիճանով, թիկունքի և գոտկային շրջանի ցավերով: Պացիենտը հետազոտվել է կենտրոնում, ախտորոշվել է աջակողմյան տուբերկուլոզային ֆիբրոթորաքս, պատյանավորված թոք: Ա. Ս. Խանոյանի, Ս.Մ. Աբրահամյանի կողմից, ընհանուր անզգայացմամբ (Դ. Հ. Հովհաննիսյան), կատարվեց վիրահատություն` թորակոտոմիա ձախից, ձախ թոքի դեկորտիկացիա, պլևրէկտոմիա, վերին բլթի ատիպիկ ռեզեկցիա։ Հետվիրահատական շրջանն ընթանում է հարթ, համարժեք վիրահատությանը։

Հանրապետության համար այս անսպասելի իրավիճակում, COVID-19 համավարակի ազդեցության դեմ պայքարում, Թոքաբանության ազգային կենտրոնի բուժաշխատողները, (բժիշկներ, բուժքույրեր, մայրապետեր, տնտեսական մասի աշխատակիցներ), տնօրեն՝ Վարդան Ավագյանի գլխավորությամբ իրենց աննախադեպ նվիրումն են ցուցաբերում ի պաշտպանություն ՀՀ բնակչությանը։

Իմ խորին շնորհակալությունն եմ հայտնում վնասվածքաբանության և օրթոպեդիայի գիտական կենտրոնի համերաշխ կոլեկտիվին: Մերոնք միահամուռ լծվեցին կորոնավիրուսով վարակված հիվանդների բուժման ազգանվեր գործին, չխնայելով իրենց և իրենց ընտանիքներին: Այս կոլեկտիվը նույն համերաշխությունն է դրսևորել 88-ի երկրաշարժի ժամանակ, արցախյան ազատամարտին, ապրիլյանին և միշտ էլ կանգնած է եղել մեր պետականության կողքին: Հիացած եմ Ձեզնով:

13.01.2020 թվականին «Թոքաբանության ազգային կենտրոն» ՊՈԱԿ է դիմել Ս.Կ.-ն՝ գանգատվելով մեջքի ցավերից, տարածվող ձախ կրծքավանդակի շրջանում: Պացիենտը հետազոտվել է կենտրոնում, ախտորոշվել է ձախակողմյան պարկավորված պլևրիտ, կրծքային X, XI, XII և I ողերի տուբերկուլոզ՝ բարդացած հարողնաշարային և գոտկաշրջանի թարախակույտերով: Լ.Դ. Խալաթյանի, Ա. Ս. Խանոյանի կողմից, ընհանուր անզգայացմամբ Դ. Հ. Հովհաննիսյան, կատարվեց արմատական վիրահատություն` կրծքվանդակի հատում ձախից, թոքամզի խոռոչում պարկավորված թարախակույտի հեռացում, VIII կողի մասնահատում, ստոծանու հատում, գոտկաշրջանի և հարողնաշարային թարախակույտերի հատում և մաքրում, կրծքային X, XI, XII և գոտկային I ողերի նեկրէկտոմիա, դիսկէկտոմիա, սեկվեստրոէկտոմիա, դիմակողմնային սպոնդիլոդեզ՝ կողից վերցված աուտոտրանսպլանտանտներով, թոքամզի խոռոչի դրենավորում: Հետվիրահատական շրջանն ընթանում է հարթ, թոքը բացվել է: Հիվանդը գանգատվում է հետվիրահատական վերքի շրջանում թույլ ցավերից:

Սա այն ձևաթուղթն է, որը վաղվանից տնից դուրս գալուց յուրաքանչյուրը պետք է ունենա իր մոտ՝ լրացված վիճակում, անձնագրի կամ ID-ի հետ միասին. ձևաթուղթը կարող է լինել ոչ միայն տպած, այլև ՁԵՌԱԳԻՐ ԳՐՎԱԾ

Գիտական հետազոտություններն ու ուսումնասիրությոնները հիմք են հանդիսանում բժշկական միջոցառումների և ծրագրերի փաստարկված կառավարման համար: Տուբերկուլոզի դեմ պայքարի ծրագրերի կարևոր մաս են հանդիսանում նաև կանխարգելիչ միջոցառումները և այդ թվում կոնտակտավորների հետազոտությունները և կանխարգելիչ բուժումը: Տուբերկուլոզի ազգային ծրագրի և Բժիշկներ առանց սահմանների միջազգային կազմակերպության համագործակցությամբ իրականացվել է դեղակայուն տուբերկուլոզով հիվանդների կոնտակտավոր երեխաների շրջանում գաղտնի վարակի և ակտիվ տուբերկուլոզի տարածվածության և իրականացված թեստերի համեմատական ուսումնասիրություն, որի արդյունքները և եզրակացությունը ներկայացնում ենք ստորև պատկերված պաստառում:

Տուբերկուլոզի ազգային ծրագրի և Բժիշկներ առանց սահմանների միջազգային կազմակերպության համագործակցությամբ հակատուբերկուլոզային նոր և վերաիմաստավորված դեղերը Հայաստանում սկսվել են կիրառվել 2013 թվականից: 2016 թվականից մինչև 2018 թվականը իրականացվել է այդ դեղերի կիրառման արդյունավետության, անվտանգության դիտորդական բազմակենտրոն ուսումնասիրություն, որի տվյալները Հայաստանի համար ամփոփված են ներկայացվող պաստառում:

ԱՅՍՕՐ ՏՈՒԲԵՐԿՈՒԼՈԶԻ ԴԵՄ ՊԱՅՔԱՐԻ ՀԱՄԱՇԽԱՐՀԱՅԻՆ ՕՐՆ Է Յուրաքանչյուր տարի՝ մարտի 24-ին, աշխարհը նշում է տուբերկուլոզի դեմ պայքարի համաշխարհային օրը՝ տուբերկուլոզի առողջապահական, սոցիալական և տնտեսական հարցերի վերաբերյալ հասարակության իրազեկվածությունը բարձրացնելու, ինչպես նաև տուբերկուլոզի գլոբալ համաճարակին վերջ տալու ուղղությամբ ջանքեր գործադրելու նպատակով: Մարտի 24-ը կապված է 1882 թ.-ի հետ, երբ բժիշկ Ռոբերտ Կոխը հայտարարեց, որ հայտնաբերել է տուբերկուլոզ հիվանդության պատճառ հանդիսացող ցուպիկը: Այս պատմական իրադարձությունը ճանապարհ բացեց ախտորոշելու և բուժելու հիվանդությունը: Այս օրերին համաշխարհային հանրության ուշադրությունը սևեռված է մեկ այլ հիվանդության՝ նոր կորոնավիրուսի դեմ պայքարին, և կթվա, թե ժամանակը չէ խոսելու տուբերկուլոզի մասին: Բայց վիճակագրությունը խոսուն է, և վերջին շաբաթվա ընթացքում շատ լրատվական կայքեր և անհատներ մեջբերում են թվեր վարակիչ հիվանդություների տարածվածության վերաբերյալ, և նշում են, որ տուբերկուլոզը շարունակում է մնալ աշխարհի մահացու վարակիչ հիվանդությունը: Ամեն օր ավելի քան 4000 մարդ մահանում է տուբերկուլոզի պատճառով , և մոտ 30․000 մարդ հիվանդանում է այս կանխարգելվող և բուժելի հիվանդությամբ: 2000 թվականից ի վեր տուբերկուլոզի դեմ պայքարի գլոբալ ջանքերը փրկել են մոտ 58 միլիոն մարդու կյանք: Այս տարի տուբերկուլոզի դեմ պայքարի գլոբալ թեման է. «Ժամանակն է», և շեշտը դրվում է գործելու հրատապության վրա: Առողջապահության համաշխարհային կազմակերպությունը (ԱՀԿ) սահմանել է «Հայտնաբերել և բուժել բոլորին: End TB հաղթահարենք ՏԲ–ն» մարտավարությունը: Այս տարի տուբերկուլյոզի համաշխարհային օրվա կապակցությամբ ԱՀԿ-ն կոչ է անում կառավարություններին, քաղաքացիական հասարակության կազմակերպություններին, առողջապահական ծառայություններ իրականացնողներին, ազգային ու միջազգային գործընկերներին միավորելու ուժերը համաշխարհային նպատակները իրականացնելու համար: Եվ մենք նույնպես կոչ ենք անում Հայաստանում գործող պետական և ոչ պետական կազմակերպություներին, ողջ հանրությանը լինել հետևողական: Եկեք միասին մտածենք մեր երեխաների, մեր մեծահասակների, մեր երիտասարդության մասին: Մենք բոլորս ենք: Յուրաքանչյուր հիվանդ բուժվելով նախ օգնում է իրեն, ապա՝ իր հարազատներին: Եվ յուրաքանչյուր անհատ, աջակցելով իր հարազատին՝ անցնելու տուբերկուլոզի բուժման ճանապարհը, օգնում է իրեն: Առողջ հասարակությունը ազգային հարստություն է, և այն պետք է լինի մեր բոլորի հոգածության կենտրոնում:

Հաշվի առնելով, որ 2020 թ.-ի մարտի 16-ից ՀՀ-ում հայտարարված արտակարգ դրությունը մի շարք հարցեր է առաջացրել տվյալ իրավիճակում աշխատանքային օրենսդրության առկա կարգավորումների, ինչպես նաև Աշխատանքի և սոցիալական հարցերի նախարարության կողմից առկա բացերի լրացման նպատակով իրականացվող միջոցառումների վերաբերյալ, տեղեկացնում ենք. Աշխատանքային օրենսգրքի 107-րդ հոդվածի 1-ին և 2-րդ մասերի համաձայն՝ ✅ոչ աշխատողի մեղքով պարապուրդը աշխատավայրում ստեղծված այն իրավիճակն է, որի ժամանակ գործատուն՝ արտադրական կամ օբյեկտիվ այլ պատճառներով պայմանավորված, չի կարողանում ապահովել աշխատողի` աշխատանքային պայմանագրով նախատեսված աշխատանքը. ✅պարապուրդի ժամանակ գործատուն իրավունք ունի աշխատողին՝ նրա գրավոր համաձայնությամբ, փոխադրելու ցանկացած այլ աշխատանքի` հաշվի առնելով աշխատողի մասնագիտությունը, որակավորումը և առողջական վիճակը: Աշխատողի համաձայնությամբ՝ նա կարող է փոխադրվել նաև այլ աշխատանքի` առանց հաշվի առնելու նրա մասնագիտությունը և որակավորումը: Մյուս կողմից, Աշխատանքային օրենսգրքի 186-րդ հոդվածի 1-ին մասի համաձայն, եթե ոչ աշխատողի մեղքով պարապուրդի ժամանակ աշխատողին չի առաջարկվում նրա մասնագիտությանը, որակավորմանը համապատասխանող այլ աշխատանք, որը նա կարող էր կատարել՝ առանց իր առողջությանը վնաս պատճառելու, ապա աշխատողին պարապուրդի յուրաքանչյուր ժամվա համար վճարվում է մինչև պարապուրդը նրա միջին ժամային աշխատավարձի երկու երրորդի չափով, սակայն ոչ պակաս, քան օրենսդրությամբ սահմանված նվազագույն ժամային դրույքաչափը: Նույն հոդվածի 6-րդ մասի համաձայն՝ Հայաստանի Հանրապետության օրենսդրությամբ սահմանված կարգով անհաղթահարելի ուժ համարվող պատճառներով առաջացած պարապուրդի համար չի վճարվում: Վերջին օրերի զարգացումները ցույց են տալիս, որ գործատուների մի մասը առաջնորդվում է Աշխատանքային օրենսգրքի 186-րդ հոդվածի 1-ին մասի կարգավորմամբ և վճարում իր աշխատողներին, մի մասն էլ՝ նույն հոդվածի 6-րդ մասով՝ ընդհանրապես չվճարելով: Ակնհայտ է, որ ստեղծված իրավիճակում անհրաժեշտ է ցուցաբերել մեկ միասնական մոտեցում՝ ապագայում հնարավոր աշխատանքային վեճերից խուսափելու և խնդիրները դատական կարգով չլուծելու համար: ​Այս և ՀՀ-ում արտակարգ դրություն հայտարարված լինելու հանգամանքով պայմանավորված՝ Աշխատանքային օրենսգրքի մի շարք այլ կարգավորումներում ևս որոշակի լրացումներ կատարելու նպատակով՝ Աշխատանքի և սոցիալական հարցերի նախարարության կողմից մշակվել և հրատապ ռեժիմով շրջանառության է դրվել Աշխատանքային օրենսգրքում համապատասխան փոփոխություններ կատարելու նախագիծ: Մասնավորապես նախագծով առաջարկվում է՝ ✅հեռավար եղանակով աշխատանքների կազմակերպման հնարավորության պարագայում, աշխատողներին չհամարել պարապուրդի մեջ, և աշխատավարձն ամբողջությամբ պահպանել. ✅հեռավար եղանակով աշխատանքերի կազմակերպումը և աշխատանքի ու հանգստի ռեժիմի փոփոխությունը չհամարել աշխատանքային պայմանագրի էական պայմանի փոփոխություն, ինչը հնարավորություն կտա գործատուներին լինել ավելի ճկուն և նախապես չծանուցել այդ փոփոխությունների մասին. ✅այն դեպքերում, երբ մասնավոր ոլորտի գործատուն, արտակարգ դրությամբ պայմանավորված, չկարողանա այլևս աշխատանքները շարունակել, այդ թվում հեռավար եղանակով, այնուամենայնիվ շարունակի վարձատրել աշխատողին՝ չաշխատած յուրաքանչյուր ժամի համար՝ առնվազն օրենսդրությամբ սահմանված նվազագույն ժամային դրույքաչափով։ Պետական և համայնքային բյուջեներից ֆինանսավորվող կազմակերպությունների, ինչպես նաև Հայաստանի Հանրապետության կենտրոնական բանկի աշխատողների աշխատավարձն ամբողջությամբ պահպանվում է․ ✅այն դեպքերում, երբ աշխատողն ունի չօգտագործված արձակուրդ, և հնարավոր չէ շարունակել աշխատանքները արտակարգ դրության ժամանակահատվածում, գործատուի համար նախատեսել պարտադիր պահանջ, որ աշխատողի ցանկության դեպքում վերջինիս տրամադրի իր չօգտագործված արձակուրդը․ ✅այն դեպքերում, երբ արտակարգ դրությամբ պայմանավորված, աշխատողն օբյեկտիվորեն հնարավորություն չի ունեցել ներկայանալու աշխատանքի կամ աշխատանքի է ներկայացել ուշացումով կամ ոչ լրիվ աշխատանքային օրով, արգելել գործատուին իր նախաձեռնությամբ լուծելու աշխատանքային պայմանագիրը կամ կիրառել կարգապահական տույժ։ Այս դեպքերում, նախատեսել վարձատրություն առնվազն աշխատողի փաստացի աշխատած ժամանակին կամ կատարված փաստացի աշխատանքին համապատասխան ✅այն դեպքերում, երբ ուսումնական (այդ թվում՝ նախադպրոցական) հաստատությունների համար նախատեսված արձակուրդների՝ չպլանավորված տեղափոխման կամ տրամադրման ժամանակահատվածում, երեխայի խնամքը կազմակերպելու նպատակով՝ աշխատողը աշխատանքի է ներկայացել ուշացումով կամ ոչ լրիվ աշխատանքային օրով, արգելել գործատուին իր նախաձեռնությամբ լուծելու աշխատանքային պայմանագիրը կամ կիրառել կարգապահական տույժ։ Այս դեպքերում, նախատեսել ամբողջական վարձատրություն։ ✅նախատեսել դրույթ, որ արտակարգ դրության ժամանակ արտաժամյա աշխատանքը իրար հաջորդող երկու օրվա ընթացքում կարող է կազմել մինչև 8 ժամ՝ ներկայիս 4-ի փոխարեն։ ✅անցումային դրույթներով նախատեսվելու է նաև, որ վերը թվարկված կարգավորումները տարածվելու են գործատուների և աշխատողների վրա սկսած 2020 թվականի մարտի 16-ից, երբ հայտարարվեց արտակարգ դրություն: Հարկ է նշել, որ Նախագծով ներկայացված մի շարք առաջարկներ բխում են աշխատանքային օրենսգրքի հիմնական սկզբունքներից (3-րդ հոդված), մասնավորապես, ✅յուրաքանչյուր աշխատողի համար աշխատանքի արդարացի պայմանների իրավունքի ապահովումը, ✅յուրաքանչյուր աշխատողի` ժամանակին և ամբողջությամբ աշխատանքի արդարացի վարձատրության իրավունքի ապահովումը` օրենքով սահմանված նվազագույն աշխատավարձի չափից ոչ ցածր: Միաժամանակ, անդրադառնալով վերջին օրերին հնչած այն տեսակետին, որ հեռավար եղանակով աշխատանքների կազմակերպման մասով Աշխատանքային օրենսգրքում փոփոխություններ կատարելու անհրաժեշտությունը բացակայում է, քանի որ տնաշխատների՝ աշխատանքի և վարձատրության հետ կապված հարաբերություններն արդեն իսկ կարգավորված են Աշխատանքային օրենսգրքով, մասնավորապես 98-րդ հոդվածով, տեղեկացնում ենք, որ գործող կարգավորմամբ՝ աշխատանքի վայրը համարվում է աշխատանքային պայմանագրի էական պայման, որի փոփոխման դեպքում գործատուն պարտավոր է նախապես ծանուցել աշխատողին կախված նրա ստաժից համապատասխան օր առաջ (Աշխատանքային օրենսգրքի 115-րդ հոդվածի 1-ին մաս): Հաշվի առնելով, որ արտակարգ դրության պայմաններում գործատուն պետք է արագ արձագանքի ստեղծված մարտահրավերներին և հնարավորության դեպքում աշխատանքները կազմակերպի հեռավար եղանակով, նախագծով առաջարկվում է, որ այս իրավիճակում հեռավար եղանակով աշխատանքների կազմակերպումը չհամարվի աշխատանքի վայրի փոփոխություն: Ինչ վերաբերվում է հեռավար աշխատանքի՝ Աշխատանքային օրենսգրքի 98-րդ հոդվածով արդեն իսկ կարգավորված լինելուն, ապա նշենք, որ այդ հոդվածը վերաբերում է այն դեպքերին, երբ ի սկզբանե, աշխատանքի բնույթից ելնելով, գործատուի և աշխատողի միջև կնքվել է աշխատանքային պայմանագիր աշխատանքները տանից կատարելու վերաբերյալ: Արտակարգ դրության պայմաններում ոչ թե կնքվում է աշխատանքային պայմանագիր՝ աշխատանքները հեռավար իրականացնելու համար, այլ ուղղակի փոփոխվում է աշխատանքի վայրը: Հետևաբար՝ ճիշտ չէ որևէ կերպ նույնականացնել տնաշխատների համար նախատեսված կարգավորումը՝ հեռավար եղանակով աշխատանք կատարելու կարգավորման հետ: Միաժամանակ տեղեկացնում ենք, որ Աշխատանքի և սոցիալական հարցերի նախարարությունը աշխատողի և գործատուի միջև ծագած խնդիրնեըը իրավասու է լուծելու համապատասխան օրենսդրական կարգավորումներ մշակելու և պարզաբանումներ տրամադրելու շրջանակներում միայն: Նախարարությունը, իր լիազորութունների շրջանակներում, աշխատողի և գործատուի աշխատանքային հարաբերութուններին միջամտելու իրավասություն չունի:

✅Յուրաքանչյուր կազմակերպության համար կարևոր է իր աշխատակիցների առողջությունը։ ✅Մենք կապահովենք նրանց հետազոտության կազմակերպումը հենց Ձեզ մոտ։ ✔ Թոքերի հիվանդությունների վաղ հայտնաբերում • տուբերկուլոզ • սարկոիդոզ • նորագոյացություններ • թոքաբորբ • թոքամզաբորբ (պլևրիտ) • բուշտ (կիստա) և այլն ✔ Սիրտ-անոթային համակարգի հիվանդություններ ✔ Միջնորմի հիվանդություններ ✔ Կրծքավանդակի ոսկրային համակարգի հիվանդություններ Կարող եք դիմել քաղաք Աբովյան, Արզնու խճուղի 10, ☎(0222)-2-00-11, 📧 ntbccarm@gmail.com:

Թոքաբանության ազգային կենտրոնում իրականացվում են ախտահանման միջոցառումներ` համաձայն COVID 19 վիրուսի տարածման կանխարգելման պահանջների:

Հայտարարություն՝ բուժակ լաբորանտ (մանրէաբանական) 0.5 դրույքաչափով ժամանկավոր թափուր պաշտոնը զբաղեցնելու համար: Բոլոր հետաքրքրվածները իրենց ինքնակենսագրականները (CV) կարող են ուղարկել մեր 📧 Facebook-ի էջին անձնական նամակով կամ 💬զանգահարել (0222)-2-04-48 հեռախոսահամարով:

Հարգելի հայրենակիցնե՛ր Հասարակության հետ հետադարձ կապի բարելավման, ձեր առաջարկություններին, մտահոգություններին, պահանջներին ու բողոքներին հաղորդակցվելու, ինչպես նաև կենտրոնի ստորաբաժանումների աշխատանքի և աշխատակազմի վերաբերյալ կարծիքներին ականջալուր լինելու նպատակով ԹԱԿ ՊՈԱԿ-ում մեկնարկում է թեժ գիծ, որը հասանելի է ամեն օր, ժամը 930–ից մինչև 2100–ն։ Թրքաբանության ազգային կենտրոնի թեժ գծի հեռախոսահամաբն է (+374 222) 2-00-11 Տնօրինություն

Հայտարարություն՝ բուժակ լաբորանտ (մանրէաբանական) 0.5 դրույքաչափով ժամանկավոր թափուր պաշտոնը զբաղեցնելու համար: Բոլոր հետաքրքրվածները իրենց ինքնակենսագրականները (CV) կարող են ուղարկել մեր 📧 Facebook-ի էջին անձնական նամակով կամ 💬զանգահարել (0222)-2-04-48 հեռախոսահամարով:

10.03.2020 թվականին «Թոքաբանության ազգային կենտրոն» ՊՈԱԿ է դիմել Բ.Դ.-ն՝ տկարությամբ, հազով, հևոցով, կրծքավանդակի աջ կեսի ցավերով, մարմնի բարձր ջերմաստիճանով, թիկունքի և գոտկային շրջանի ցավերով: Պացիենտը հետազոտվել է կենտրոնում, ախտորոշվել է աջակողմյան տուբերկուլոզային էքսուդատիվ պլևրիտ, ֆիբրոթորաքս, պատյանավորված թոք: Լ.Դ. Խալաթյանի, Ա. Ս. Խանոյանի, Ս.Մ. Աբրահամյանի կողմից, ընհանուր անզգայացմամբ Դ. Հ. Հովհաննիսյան, կատարվեց բացառիկ վիրահատություն` թորակոտոմիա աջից, աջ թոքի դեկորտիկացիա, պլևրէկտոմիա, նեկրէկտոմիա, դիսկէկտոմիա, IX-X կրծքային ողերի միջողային սկավառակի հեռացում, դիմակողմնային սպոնդիլոդեզ՝ կողի աուտոտրանսպլանտանտով: Հետվիրահատական շրջանն ընթանում է հարթ, հիվանդը գանգատներ չի նշում:

«Թոքաբանության ազգային կենտրոն» ՊՈԱԿ-ի հարգելի պացիենտներ Հանրապետությունում առկա COVID վարակի տարածման կանխարգելման միջոցառումների շրջանակներում ձեր առողջությունը չվտանգելու նպատակով 2020 թվականի մարտի 16-ից ժամանակավորապես դադարեցվում են տեսակցությունները։ ՏՆՕՐԻՆՈՒԹՅՈՒՆ

ՀԱՅՏԱՐԱՐՈՒԹՅՈՒՆ Հարգելի պացիենտներ Ձեր հարազատների, բուժանձնակազմի, ինչպես նաև ձեր իսկ առողջության պահպանման նկատառումներով հորդորում ենք ժամանակավորապես սահմանափակել ձեր հարազատների հետ տեսակցությունները՝ դրանք հասցնելով նվազագույնի և ըստ անհրաժեշտության:

19.12.2019 թվականին «Թոքաբանության ազգային կենտրոն» ՊՈԱԿ է դիմել հիվանդ Մ.Ա.-ն՝ գանգատվելով ողնաշարի գոտկային հատվածի ցավերից, որոնք ճառագայթում են դեպի ստորին վերջույթները, ձախ ստորին վերջույթը ծալելու դժվարությունից: Հիվանդը հետազոտվել է կենտրոնում, ախտորոշվել է ողնաշարի գոտկային հատվածի II-III ողերի տուբերկուլոզ՝ բարդացած երկկողմանի գոտկամկանների թարախակույտերով: Արտաթոքային տուբերկուլոզային բաժանմունքի ղեկավար Լ.Դ. Խալաթյանի կողմից կատարվեց երկկողմանի լյումբոտոմիա, թարախակույտերի հատում, կյուրետաժ, L II-III գոտկային ողերի նեկրէկտոմիա, խոռոչների դրենավորում: Հետվիրահատական շրջանն ընթանում է հարթ, հիվանդի վիճակը բավարար է, ստանում է համապատասխան բուժումներ:

16.10.2019 թվականին «Թոքաբանության ազգային կենտրոն» ՊՈԱԿ է դիմել հիվանդ Մ.Լ.-ն՝ գանգատվելով ողնաշարի ցավերից, ստորին վերջույթների ցավերից ու թուլությունից, դժվարամիզությունից: Հիվանդը հետազոտվել է կենտրոնում, ախտորոշվել է ողնաշարի VII-VIII կրծքային և II-III գոտկային ողերի տուբերկուլոզ՝ բարդացած ստորին պարապլեգիայով, կոնքի օրգանների գործառույթի խանգարումով, սրբոսկրի շրջանի պառկելախոցեր: Արտաթոքային տուբերկուլոզային բաժանմունքի ղեկավար Լ.Դ. Խալաթյանի կողմից կատարվեց աջակողմյան VI-VIII կրծքային ողերի մակարդակի դեկոմպրեսիվ հեմիլամինԷկտոմիա, ողնուղեղի զննում: Հետվիրահատական շրջանն ընթանում է հարթ:

17-18 դեկտեմբերի 2019 թվականին Հայաստանի Հանրապետությունում տեղի ունեցավ տուբերկուլոզի հակազդման 2021-2025թթ. ազգային ռազմավարական ծրագրի մշակման նպատակով աշխատանքային խմբի հանդիպում:

12.12.2019 թվականին «Տուբերկուլոզի դեմ պայքարի ազգային կենտրոն» ՊՈԱԿ է դիմել հիվանդ Ս.Գ.-ն՝ հազի, հևոցի, կրծքավանդակի աջ կեսի ցավերի, ջերմության բարձրացման, ընդհանուր թուլության գանգատներով: Հիվանդը հետազոտվել է կենտրոնում և ախտորոշվել է՝ աջակողմյան տուբերկուլոզային էքսուդատիվ պլևրիտ, ֆիբրոթորաքս, պատյանավորված թոք: Վիրաբուժական բաժանմունքի ղեկավար Ա. Ս. Խանոյանի, վիրաբուժական բաժանմունքի բժիշկ/թոքային վիրաբույժ Է. Շ. Ղոչիկյանի, անեսթեզիոլոգիա-վերակենդանացման բաժանմունքի ղեկավար/բժիշկ-անեսթեզիոլոգ/ռեանիմատոլոգ Դ. Հ. Հովհաննիսյանի կողմից կատարվեց թորակոտոմիա աջից, աջ թոքի դեկորտիկացիա, պլևրէկտոմիա: Հետվիրահատական շրջանն ընթանում է հարթ, հիվանդը գանգատներ չի նշում:

Տուբերկուլոզի կառավարման 2016-2020թթ . ծրագրի ռազմավարությունը: ՀՀ-ում ՏԲ-ի հայտնաբերման, բուժման և ընթացիկ վարման արդի մոտեցումները և նրանց ներդրումը ՀՀ ՏԲ ազգային ծրագրի շրջանակներում թեմայով Նկարագրություն: Տուբերկուլոզի կառավարման ոլորտում վերջին հինգ տարիների ընթացքում ԱՀԿ- կողմից սահմանվել են միջազգային փաստարկում ունեցող նոր ուղղվածություններ, որոնց ներդրումը վերաբերվում է ՏԲ-ի հայտնաբերմանը և բուժմանը, և ընթացիկ վերահսկողությանը ու ծրագրային կառավարման ոլորտներին: Այս հրամայականների համատեքստում ՀՀ Տուբերկուլոզի ազգային կենտրոնը, Գլոբալ հիմնադրամի աջակցությամբ պլանավորել և իրականացրել է ՏԲ մասնագետների վերապատրաստման դասընթացների շարք: ՏԱԿ-ի կողմից ՏԲ մասնագետների համար կազմակերպվող դասընթացները ներկայացված լինելով ՀՀ ԱՆ` կրեդիտավորման նպատակով, ստացել են հաստատում և ըստ նախանշված պլանի նոյեմբեր և դեկտեմբեր ամիսներին կազմակերպվել են թվով 5 սեմինարներ, և դրանք հետևյալներն են. Նոյեմբերի 5-6, և 12-13 ք. Աբովյան ՏԱԿ ՊՈԱԿ-ում, նոյեմբերի 19-20 ք. Գյումրի և 26-27 ք. Սիսիան, դեկտեմբերի 3-4–ին ք. Աբովյան ՏԱԿ ՊՈԱԿ-ում: Արձանագրվել է բժիշկների բարձր մասնակցություն և հետաքրքրվածություն, դասընթացներն անց են կացվել թեմատիկ տեսական նյութերի ներկայացմամբ և գործնական աշխատանքներով: Մասնակիցներ: Սեմինարներին ներկայացել են 99 բժիշկներ, ովքեր իրականացնում են տուբերկուլոզի հայտնաբերման, բուժման և կանխարգելման բուժ. սպասարկում: Ամբողջությամբ սեմինարներին մասնակցել են 94 բժիշկներ , ովքեր և ներկայացվել են ՀՀ ԱՆ- կողմից հաստատված կրեդիտավորման: Մասնակիցների կտրվեն գիտա-գործնական սեմինարի վկայականներ ՀՀ ԱՆ–ի կողմից վավերացումից հետո: Դասախոսական կազմ : Սեմինարների դասախոսական կազմը ներկայացված է եղել հիմնակնում ՏԱԿ ՊՈԱԿ-ի մասնագետներով և մեկ հրավիրված մասնագետով : 1. Լյուբով Նիկոլայան ՀՀ ԱՆ ՏԱԿ գիտական գծով խորհրդական բ.գ. թ, դոցենտ 2. Լուսինե Եղիազարյան ՀՀ ԱՆ ՏԱԿ ԴԿՏԲ բաժանմունքի ղեկավար ՀՀ ԱՆ խորհրդատու տուբերկուլոզի և թոքաբանության գծով 3. Հակոբ Աճեմյան ՏԲ մասնագետ, դեղազգոնության մասնագետ Fmd K&L Europe 4. Ծովինար Այդինյան ՀՀ ԱՆ ՏԱԿ ԴԿՏԲ բաժանմունքի բժիշկ 5. Նաիրա Խաչատրյան ՀՀ ԱՆ ՏԱԿ ծրագրային խորհրդատու 6. Անուշ Խաչատրյան ՀՀ ԱՆ ՏԱԿ մշտադիտարկման և գնահատման թիմի ղեկավար 7. Նաիրա Միքայելյան ՀՀ ԱՆ ՏԱԿ լաբորատոր մշտադիտարկման և գնահատման լաբորատոր մասնագետ 8. Արուսյակ Մելիքյան ՀՀ ԱՆ ՏԱԿ մշտադիտարկման և գնահատման թիմի մասնագետ 9. Նունե Ազիզյան ՀՀ ԱՆ ՏԱԿ Լաբորատոր–գործիքային ախտորոշման և ամբուլատոր ծառայության ղեկավար Դասախոսական կազմը ներկայացվել և համաձայնեցվել է ՏԱԿ ՊՈԱԿ ադմինիստրացիային և ՀՀ ԱՆ:

Թափուր աշխատատեղ՝ ֆինանսիստ-հաշվապահ 👩‍🏫 Աշխատանքի նկարագիրը. ✔️ կազմակերպության ձեռքբերումների, պահեստների տեղաշարժերի հաշվապահական ձևակերպում ու փաստաթղթավորում, ✔️ հաշվապահական ձևակերպումների ստուգում ու համադրում հարկային համակարգի տվյալների հետ ✔️ նախահաշիվների, հաստիքացուցակների, դրանց հետ կապված հաշվետվությունների կազմման գործընթացին մասնակցություն, ✔️ այլ գործառույթներ՝ պաշտոնի նկարագրի կամ ստացված հանձնարարականների շրջանակներում 👩‍🏫 Պահանջվող հմտություններ ✅ բարձրագույն տնտեսագիտական կրթություն ✅ հաշվապահական հաշվառման հիմունքների իմացություն ✅ ՀԾ, E-invoicing և այլ հարակից հաշվապահական ծրագրերի իմացություն ✅ Microsoft Office փաթեթի, մասնավորապես Excel-ի լավ իմացություն ✅ մեծ քանակի տեղեկատվության հետ աշխատելու ունակություն ժամանակը ճիշտ ու արդյունավետ կառավարելու ունակություն ✅ պատասխանատվության բարձր զգացում Բոլոր հետաքրքրվածները իրենց ինքնակենսագրականները (CV) կարող են ուղարկել մեր 📧 Facebook-ի էջին անձնական նամակով կամ 💬զանգահարել (0222)-2-04-48 հեռախոսահամարով:

<<Տուբերկուլոզի դեմ պայքարի ազգային կենտրոն>> ՊՈԱԿ-ի շուրջ 76 բուժքույր մասնակցեցին ԵՊԲՀ-ի շարունակական մասնագիտական զարգացման կենտրոնի կողմից կազմակերպված <<Տուբերկուլոզի կանխարգելում, հայտնաբերում և վարակի վերահսկում>> թեմայով վերապատրաստման դասընթացին:

26.11.2019 թվականին «Տուբերկուլոզի դեմ պայքարի ազգային կենտրոն» ՊՈԱԿ է դիմել հիվանդ Ս.Ա.-ն՝ հազի, հևոցի, կրծքավանդակի աջ կեսի ցավերի, ջերմության բարձրացման, ընդհանուր թուլության գանգատներով: Հիվանդը հետազոտվել է կենտրոնում և ախտորոշվել է՝ աջակողմյան տուբերկուլոզային էքսուդատիվ պլևրիտ, ֆիբրոթորաքս, պատյանավորված թոք: Վիրաբուժական բաժանմունքի ղեկավար Ա. Ս. Խանոյանի կողմից կատարվեց թորակոտոմիա աջից, աջ թոքի դեկորտիկացիա, պլևրէկտոմիա: Հետվիրահատական շրջանն ընթանում է հարթ, հիվանդը գանգատներ չի նշում:

Երկրորդ սեմինարը կայացել է նոյեմբերի 12-ին և 13-ին, որին ակտիվ մասնակցություն են ցուցաբերել ՏԱԿ ՊՈԱԿ-ի, Երևանի, Արտաշատի, Վաղարշապատի ՏԲ մասնագետները: Սեմինարները ընթացել են ակտիվ քննարկումների, գործնական աշխատանքների, բարդ դեպքերի քննարկումներով: Մասնակիցներն իրենց գոհունակություններն ու առաջարկություններն են հայտնել սեմինարների վերաբերյալ: Ստորև ներկայացնում ենք նրանցից մեկը: Տուբերկուլոզի կառավարման ոլորտում վերջին հինգ տարիների ընթացքում ԱՀԿ-ի կողմից սահմանվել են միջազգային փաստարկում ունեցող նոր ուղղվածություններ, որոնց ներդրումը վերաբերվում է ՏԲ-ի հայտնաբերմանը և բուժմանը, ընթացիկ վերահսկողությանը և ծրագրային կառավարման ոլորտին: Այս հրամայականների համատեքստում ՀՀ Տուբերկուլոզի ազգային կենտրոնը, ՀՀ ԱՆ Գլոբալ հիմանադրամի աջակցությամբ իրականացնում է ՏԲ մասնագետների գիտագործնական սեմինարների շարք, որոնք իրականացվելու են ՏԱԿ ՊՈԱԿ-ում, Գյումրիում և Սիսիանում ընդգրկելով տարածաշրջանային ՏԲ հաստատությունների մասնագետներին: «Տուբերկուլոզի (ՏԲ) կառավարման 2016-2020թթ ծրագրի ռազմավարությունը: ՀՀ-ում ՏԲ հայտնաբերման, բուժման և ընթացիկ վերահսկողության վարման արդի մոտեցումները և նրանց ներդրումը» թեմայով գիտագործնական սեմինարը ՀՀ ԱՆ թիվ 728-Լ որոշմամբ մասնակիցներին շնորհվելու է ՇՄԶ 6 տեսական և 3 գործնական կրեդիտ:

Հայտարարություն՝ ժամանկավոր թափուր պաշտոնը զբաղեցնելու համար Ֆինանասատնտեսագիտական և հաշվապահական հաշվառման բաժնի գնումների մասնագետի պաշտոնը զբաղեցնելու համար Հիմնական գործառույթներ՝ -Իրականացնել գնումների պլանավորման և իրականացման աշխատանքներ, -Իրականացնել կազմակերպության կարիքների համար գնվող ապրանքների, աշխատանքների և ծառայությունների տեխնիկական բնութագրերի կազմման և մշակման աշխատանքներ -Իրականացնել գնման ընթացակարգերի պատշաճ կազամկերպում, -Ներկայացնել համակարգման վերաբերյալ առաջարկություններ, -Տիրապետել «Գնումների մասին» ՀՀ օրենքին և այլ գործող նորմատիվ իրավական ակտերին, -Իրականացնել աշխատեղի նկարագրով նախատեսված գործառույթներ: Ներկայացվող թափուր պաշտոնը զբաղեցնելու համար ներկայացվող պահանջներ՝ -Բարձրագույն կրթություն, -Գնումների մասնագետի որակավորում, -Առնվազ 3 տարվա աշխատանքային փորձ, որից 1 տարին մասնագիտական աշխատանքային փորձ, -Լեզուների իմացություն՝ հայերենի ազատ տիրապետում, ռուսերեն և անգլերեն լեզուների իմացություն՝ իր լիազորությունների շրջանակներում, Գործարար որակները և գիտելիքների շրջանակը -Տիրապետել «Քաղաքացիական օրենսգրքին», «Գնումների մասին» ՀՀ օրենքին, համապատասխան որոշումներին և իր լիազորությունների հետ կապված նորմատիվ իրավական ակտերին, -Հաղորդակցվելու կարողություն, - Համագործակցելու և բանակացելու կարողություն, -Թիմում աշխատելու ունակություն, - Ճկունություն Աշխատանքի վայրը ՀՀ, ք.Աբովյան, Արզնու խճ. 10 ՀՀ քաղաքացիները մրցույթին մասնակցելու համար պետք է ներկայացնեն հետևյալ փաստաթղթերը՝ -Դիմում հարցազրույցին մասնակցելու համար (լրացվում է տեղում) -Բարձրագույն կրթությունը հավաստող փաստաթղթի պատճենը/պատճեներ -Համապատասխան մարմիններից աշխատանքային փորձը հավաստող տեղեկանքներ, -Արական սեռի անձինք՝ զինվորական գրքույքի կամ դրան փոխարինող ժամանակավոր զորակոչային տեղամասային կցագրման վկայականի պատճենը կամ համապատասխան տեղեկանք, -Մեկ լուսանկար 3×4 չափի, անձնագրի կամ նույնականացման քարտի պատճենը, սոցիալական քարտի պատճենը կամ հանրային ծառայության համարանիշ ունենալու մասին տեղեկանք Փաստաթղթերը ներկայացնել անձամբ՝ յուրաքանչյուր աշխատանքային օր ժամը 10:00-15:00: Դիմումների ընդունման վերջնաժամկետն է 2019 թվականի նոյեմբերի 22-ը: Մրցույթը տեղի կունենա սույն թվականի նոյեմբերի 26-ին «Տուբերկուլոզի դեմ պայքարի ազգային կենտրոն» ՊՈԱԿ-ում, հասցե՝ ք. Աբովյան, Արզնու խճ. 10 Հարցերի դեպքում զանգահարել անձնակազմի կառավարման բաժին՝ (0222)-2-04-48 հեռախոսահամարով:

Առաջին սեմինարը կայացել է նոյեմբերի 5-ին և 6-ին, որին ակտիվ մասնակցություն են ցուցաբերել ՏԱԿ ՊՈԱԿ-ի, Արմավիրի, Արարատի, Կոտայքի ՏԲ մասնագետները: Տուբերկուլոզի կառավարման ոլորտում վերջին հինգ տարիների ընթացքում ԱՀԿ-ի կողմից սահմանվել են միջազգային փաստարկում ունեցող նոր ուղղվածություններ, որոնց ներդրումը վերաբերվում է ՏԲ-ի հայտնաբերմանը և բուժմանը, ընթացիկ վերահսկողությանը և ծրագրային կառավարման ոլորտին: Այս հրամայականների համատեքստում ՀՀ Տուբերկուլոզի ազգային կենտրոնը, ՀՀ ԱՆ Գլոբալ հիմանադրամի աջակցությամբ իրականացնում է ՏԲ մասնագետների գիտագործնական սեմինարների շարք, որոնք իրականացվելու են ՏԱԿ ՊՈԱԿ-ում, Գյումրիում և Սիսիանում ընդգրկելով տարածաշրջանային ՏԲ հաստատությունների մասնագետներին: «Տուբերկուլոզի (ՏԲ) կառավարման 2016-2020թթ ծրագրի ռազմավարությունը: ՀՀ-ում ՏԲ հայտնաբերման, բուժման և ընթացիկ վերահսկողության վարման արդի մոտեցումները և նրանց ներդրումը» թեմայով գիտագործնական սեմինարը ՀՀ ԱՆ թիվ 728-Լ որոշմամբ մասնակիցներին շնորհվելու է ՇՄԶ 6 տեսական և 3 գործնական կրեդիտ:

📢Նոյեմբերի 1-ին, ժամը 16։00-ին առողջապահության նախարարության ֆեյսբուքյան ուղիղ եթերում կխոսի ԱՆ թոքաբանության և տուբերկուլոզի գծով խորհրդատու Լուսինե Եղիազարյանը։ Մասնագետը կներկայացնի ոլորտը` անդրադառնալով հետևյալ հարցերին. ✅Տուբերկուլոզի փոխանցման ուղիները ✅Տուբերկուլոզի կլինիկական ախտանիշները և վաղաժամ հայտնաբերումը ✅Տուբերկուլոզի կանխարգելիչ միջոցները ✅Տուբերկուլոզը (ՏԲ) որպես բուժելի հիվանդություն՝ առողջապահության նախարարության կողմից իրականացվող ՏԲ դեմ պայքարի Ազգային ծրագրի շրջանակներում։

Հոկտեմբերի 30-ին ԱՆ ՁԻԱՀ-ի կանխարգելման հանրապետական կենտրոնում ավարտվեց ՀՀ ԱՆ ակադեմիկոս Ս. Ավդալբեկյանի անվան առողջապահության ազգային ինստիտուտի «ՄԻԱՎ վարակ» դասընթացի ավագ բուժաշխատողների համար նախատեսված «ՄԻԱՎ վարակի արդիական հարցեր» խորագրով եռօրյա թեմատիկ ցիկլը, որի արդյունքներով «Տուբերկուլոզի դեմ պայքարի ազգային կենտրոն» ՊՈԱԿ-ի դիսպանսեր հսկողության և նեղ մասնագիտական օգնության բաժնի բժիշկ-ֆթիզիատոր Ռուզաննա Վովայի Գրիգորյանին և վիրաբուժական բաժանմունքի բժիշկ-ֆթիզիատոր Նարինե Ռուստամի Բեգլարյանին շնորհվեցին 13 տեսական և 3 գործնական ՇՄԶ կրեդիտ:

✅Յուրաքանչյուր կազմակերպության համար կարևոր է իր աշխատակիցների առողջությունը։ ✅Մենք կապահովենք նրանց հետազոտության կազմակերպումը հենց Ձեզ մոտ։ ✔ Թոքերի հիվանդությունների վաղ հայտնաբերում • տուբերկուլոզ • սարկոիդոզ • նորագոյացություններ • թոքաբորբ • թոքամզաբորբ (պլևրիտ) • բուշտ (կիստա) և այլն ✔ Սիրտ-անոթային համակարգի հիվանդություններ ✔ Միջնորմի հիվանդություններ ✔ Կրծքավանդակի ոսկրային համակարգի հիվանդություններ Կարող եք դիմել քաղաք Աբովյան, Արզնու խճուղի 10, ☎(0222)-2-00-11, 📧 ntbccarm@

Տուբերկուլոզի դեմ պայքարի ազգային կենտրոնում ավարտվեց բժիշկների ևս մի խմբի համար կազմակերպված կատարելագործման դասընթացները:

Տուբերկուլոզի դեմ պայքարի ազգային կենտրոն է հյուրընկալվել 2017 թվականի «Ավրորա» մրցանակի դափնեկիր, Սուդանի Նուբա լեռների պատերազմական գոտում՝ միակ վիրաբույժ, հազարավոր մարդկանց կյանք փրկած՝ Թոմ Քաթինան։ Այցի նպատակն էր ծանոթանալու կենտրոնի աշխատանքին, ախտորոշման (GenXpert, MGIT, LPA) և բուժման նոր մեթոդներին՝ այն Սուդանում ներդնելու համար։

 Տուբերկուլոզի դեմ պայքարի ազգային կենտրոնում ավարտին են մոտենում բժիշկների ևս մի խմբի համար կազմակերպված կատարելագործման դասընթացները: Այս անգամ ունկնդիրները ֆթիզիատորներն են: Դասընթացները կազմակերպվում են Տուբերկուլոզի դեմ պայքարի ազգային կենտրոնի և Ս. Ավդալբեկյանի անվան Առողջապահության ազգային ինստիտուտի միջև համապատասխան պայմանավորվածության համապատասխան, ըստ որում ՏԱԿ-ի բժիշկների համար՝ զգալի զեղչով, որի համար շնորհակալություն ենք հայտնում։ Դասընթացները ղեկավարում է տնօրենի գիտական գծով խորհրդական, դոցենտ Լ.Թ. Նիկոլայանը, ով բազմիցս դասախոսների վերապատրաստման դասընթացներ է անցել արտասահմանում՝ <<Մասնագիտություն>>, <<Ինֆորմատիկա>>, <<Հոգեբանություն>>, <<Խոսքի վարպետություն>> մասնագիտություններով: Դասախոսական կազմը համալրված է կենտրոնի բազմավաստակ մասնագետներով, ովքեր իրենց տարիների վաստակած փորձն ու հմտություններն են փոխանցում ունկնդիրներին: Եվս 12 բժիշկ կստանա ՇՄԶ 175 կրեդիտ՝ նախատեսված 7-շաբաթյա դասընթացի համար: Շնորհավորում ենք:

Մեր կենտրոնին անհրաժեշտ է բժշկական սարքավորումների ինժեներ: Պահանջները՝ մասնագիտական կրթություն, մասնագիտական աշխատանքային փորձ: Պարտականությունները՝ սարքավորումների ծրագրավորում, տեղադրում, շահագործում, փորձարկում և վերանորոգում: Բոլոր հետաքրքրվածները իրենց ինքնակենսագրականները (CV) կարող են ուղարկել մեր Facebook-ի էջին անձնական նամակով կամ զանգահարել (0222)-2-04-48 հեռախոսահամարով:

Մեր կենտրոնին անհրաժեշտ է բժիշկ-նյարդաբան: Պահանջները՝ բարձրագույն մասնագիտական կրթություն, մասնագիտակա աշխատանքային փորձ: Պարտականությունները՝ իրականացնել մասնագիտական խորհրդատվություն, նշանակել բուժում, կատարել գրառումներ հիվանդության պատմագրերում: Բոլոր հետաքրքրվածները իրենց ինքնակենսագրականները (CV) կարող են ուղարկել մեր Facebook-ի էջին անձնական նամակով:

Մեր կենտրոնին անհրաժեշտ է բժիշկ-ռեանիմատոլոգ: Պահանջները՝ բարձրագույն մասնագիտական կրթություն, մասնագիտական աշխատանքային փորձ: Բոլոր հետաքրքրվածները իրենց ինքնակենսագրականները (CV) կարող են ուղարկել մեր Facebook-ի էջին անձնական նամակով կամ զանգահարել (0222)-2-04-48 հեռախոսահամարով:

Մեր կենտրոնին անհրաժեշտ է համակարգչային օպերատոր-գործավար: Պահանջները՝ Microsoft word, excel, powerpoint, outlook, windows, internet ծրագրերի իմացություն, համակարգչով շատ արագ տպելու ունակություն, հայերեն(գերազանց), ռուսերեն, անգլերեն լեզվի իմացություն: Պարտականությունները՝ անհրաժեշտ փաստաթղթերի կազմում, տեքստերի տպագրում, տվյալների մուտքագրում: Բոլոր հետաքրքրվածները իրենց ինքնակենսագրականները (CV) կարող են ուղարկել մեր Facebook-ի էջին անձնական նամակով կամ զանգահարել (0222)-2-04-48 հեռախոսահամարով:

Բոլոր աշխատանք փնտրողներն իրենց ինքնակենսագրականները (CV) կարող են ուղարկել մեր Facebook-ի էջին անձնական նամակով:

10.07.2019թ.-ին «Տուբերկուլոզի դեմ պայքարի ազգային կենտրոն» ՊՈԱԿ է դիմել հիվանդ Պողոսյան Պողոսը(անունը փոխված) կրծքավնդակի աջ կեսի ցավերի, ջերմության բարձրացման, հևոցի, չոր հազի, ընդհանուր թուլության գանգատներով: Հիվանդը հետազոտվել է կենտրոնում, ախտորոշումը՝ աջակողմյան տուբերկուլոզային պլևրիտ, ֆիբրոթորաքս, պատյանավորված թոք: Արմեն Խանոյանի գլխավորությամբ կոլեգիալ որոշում է կայացվել կատարել վիրահատություն: Կատարվել է աջակողմյան թորակոտոմիա, աջ թոքի դեկորտիկացիա, պլևէկտոմիա, պլևրալ խոռոչի դրենավորում: Վիրահատությունը անցել է հաջող: Հիվանդի ընդհանուր վիճակը կայուն է, գտնվում է վիրաբուժական բաժանմունքում: