Բոլոր իրավունքները պաշտպանված են: © NTP - Տուբերկուլոզի դեմ պայքարի ազգային Կենտրոն

ՀԱՅՏԱՐԱՐՈՒԹՅՈՒՆՆԵՐ

ԾԱՌԱՅՈՒԹՅՈՒՆՆԵՐԻ

ՄԱՏՈՒՑՈՒՄ

ՎՃԱՐՈՎԻ

ԾԱՌԱՅՈՒԹՅՈՒՆՆԵՐԻ

Հարգելի հայրենակիցներ
Ողջունում եմ Ձեզ Տուբերկուլոզի դեմ պայքարի ազգային կենտրոնի պաշտոնական կայքում:
   Տուբերկուլոզի դեմ պայքարի ազգային կենտրոնը համարվում է Հայաստանի Հանրապետության առաջատար տուբերկուլոզային բազմապրոֆիլային կենտրոն, որի հիմնական նպատակն է՝ արագ, ճշգրիտ ախտորոշել տուբերկուլոզը և իրականացնել միջազգային չափորոշիչներին համապատասխան բուժում:    Տուբերկուլոզը համարվում է աշխարհում ամենատարածված վարակիչ հիվանդություններից մեկը, սակայն այն վերահսկելի, կառավարելի և բուժվող է:
Ի շնորհիվ գրագետ կազմակերպված տուբերկուլոզի դեմ պայքարի ծառայության աշխատանքի՝ Հայաստանում վերջին տասը տարիների ընթացքում դիտվում է հիվանդացության և մահացության ցուցանիշների նվազում մոտ 2,5 անգամ:
  Տուբերկուլոզի դեմ պայքարի ազգային կենտրոնը ցուցաբերում է հիվանդակենտրոն մոտեցում, բժշկական ծառայությունների բարձրակարգ սպասարկումն իրականացնում են փորձառու բժիշկները, որոնք ջանք ու եռանդ չեն խնայում հիվանդների բուժման արդյունավետ ելքը ապահովելու համար: Կենտրոնը հագեցված է ժամանակակից լաբորատոր-գործիքային ախտորոշիչ սարքավորումներով, հիմնանորոգված շենքային պայմաններով և հարմարավետ հիվանդասենյակներով: Հայաստանի Հանրապետությունում տուբերկուլոզի ախտորոշումը և բուժումն անվճար է: Մեր կենտրոնի տեսլականն է ստեղծել երկիր, որն ազատ է տուբերկուլոզից:

Տուբերկուլոզի կառավարման 2016-2020թթ . ծրագրի ռազմավարությունը: ՀՀ-ում ՏԲ-ի հայտնաբերման, բուժման և ընթացիկ վարման արդի մոտեցումները և նրանց ներդրումը ՀՀ ՏԲ ազգային ծրագրի շրջանակներում թեմայով Նկարագրություն: Տուբերկուլոզի կառավարման ոլորտում վերջին հինգ տարիների ընթացքում ԱՀԿ- կողմից սահմանվել են միջազգային փաստարկում ունեցող նոր ուղղվածություններ, որոնց ներդրումը վերաբերվում է ՏԲ-ի հայտնաբերմանը և բուժմանը, և ընթացիկ վերահսկողությանը ու ծրագրային կառավարման ոլորտներին: Այս հրամայականների համատեքստում ՀՀ Տուբերկուլոզի ազգային կենտրոնը, Գլոբալ հիմնադրամի աջակցությամբ պլանավորել և իրականացրել է ՏԲ մասնագետների վերապատրաստման դասընթացների շարք: ՏԱԿ-ի կողմից ՏԲ մասնագետների համար կազմակերպվող դասընթացները ներկայացված լինելով ՀՀ ԱՆ` կրեդիտավորման նպատակով, ստացել են հաստատում և ըստ նախանշված պլանի նոյեմբեր և դեկտեմբեր ամիսներին կազմակերպվել են թվով 5 սեմինարներ, և դրանք հետևյալներն են. Նոյեմբերի 5-6, և 12-13 ք. Աբովյան ՏԱԿ ՊՈԱԿ-ում, նոյեմբերի 19-20 ք. Գյումրի և 26-27 ք. Սիսիան, դեկտեմբերի 3-4–ին ք. Աբովյան ՏԱԿ ՊՈԱԿ-ում: Արձանագրվել է բժիշկների բարձր մասնակցություն և հետաքրքրվածություն, դասընթացներն անց են կացվել թեմատիկ տեսական նյութերի ներկայացմամբ և գործնական աշխատանքներով: Մասնակիցներ: Սեմինարներին ներկայացել են 99 բժիշկներ, ովքեր իրականացնում են տուբերկուլոզի հայտնաբերման, բուժման և կանխարգելման բուժ. սպասարկում: Ամբողջությամբ սեմինարներին մասնակցել են 94 բժիշկներ , ովքեր և ներկայացվել են ՀՀ ԱՆ- կողմից հաստատված կրեդիտավորման: Մասնակիցների կտրվեն գիտա-գործնական սեմինարի վկայականներ ՀՀ ԱՆ–ի կողմից վավերացումից հետո: Դասախոսական կազմ : Սեմինարների դասախոսական կազմը ներկայացված է եղել հիմնակնում ՏԱԿ ՊՈԱԿ-ի մասնագետներով և մեկ հրավիրված մասնագետով : 1. Լյուբով Նիկոլայան ՀՀ ԱՆ ՏԱԿ գիտական գծով խորհրդական բ.գ. թ, դոցենտ 2. Լուսինե Եղիազարյան ՀՀ ԱՆ ՏԱԿ ԴԿՏԲ բաժանմունքի ղեկավար ՀՀ ԱՆ խորհրդատու տուբերկուլոզի և թոքաբանության գծով 3. Հակոբ Աճեմյան ՏԲ մասնագետ, դեղազգոնության մասնագետ Fmd K&L Europe 4. Ծովինար Այդինյան ՀՀ ԱՆ ՏԱԿ ԴԿՏԲ բաժանմունքի բժիշկ 5. Նաիրա Խաչատրյան ՀՀ ԱՆ ՏԱԿ ծրագրային խորհրդատու 6. Անուշ Խաչատրյան ՀՀ ԱՆ ՏԱԿ մշտադիտարկման և գնահատման թիմի ղեկավար 7. Նաիրա Միքայելյան ՀՀ ԱՆ ՏԱԿ լաբորատոր մշտադիտարկման և գնահատման լաբորատոր մասնագետ 8. Արուսյակ Մելիքյան ՀՀ ԱՆ ՏԱԿ մշտադիտարկման և գնահատման թիմի մասնագետ 9. Նունե Ազիզյան ՀՀ ԱՆ ՏԱԿ Լաբորատոր–գործիքային ախտորոշման և ամբուլատոր ծառայության ղեկավար Դասախոսական կազմը ներկայացվել և համաձայնեցվել է ՏԱԿ ՊՈԱԿ ադմինիստրացիային և ՀՀ ԱՆ:

Բոլոր իրավունքները պաշտպանված են: © NTP - Տուբերկուլոզի դեմ պայքարի ազգային Կենտրոն